Wanjiru avunja rikodi Marathon ya Amsterdam

Mwanariadha wa Kenya, Daniel Wanjiru, ameshinda kwa kuandika muda bora kwenye mashindano ya arobaini ya TCS ya Marathon ya Amsterdam nchini Uholanzi. Katika mashindano hayo, Wanjiru alitumia muda wa saa 2:05.21 na kuipiku rekodi ya mshindi mara tatu, wa Marathon ya Amsterdam Wilson Chebet ya saa 2:05.36 mwaka 2013.

Wanjiru alifuatiwa na Wakenya wenzake, Sammy Kitwara, aliyetumia saa 2:05.45, na Marius Kimutai, aliyetumia saa 2:05.47.