Van Gaal asema hajastaafu kufunza soka

Aliyekuwa meneja wa Manchester United Louis Van Gaal amesema hajastaafu na kwamba anachukua likizo ya mda. Van Gaal mwenye umri wa miaka 65 hajajiunga na timu nyengine tangu aondoke Old Trafford mnamo mwezi Mei.

Siku ya Jumatatu, gazeti moja la Uholanzi De Telegraaf lilisema Van Gaal amemaliza muda wake wa ukufunzi na amestaafu kama mkufunzi, hatua iliyoshinikizwa na kifo cha mwanawe.

Lakini alikiambia kituo kimoja cha redio nchini Uhispania Cadena Ser kwamba ijapokuwa kustaafu kunawezekana bado hajaamua. Raia huyo wa Uholanzi pia alibainisha kuwa amekataa kuifunza klabu ya Uhispania Valencia mwezi uliopita.