Mbaraka Yusuph Abeid wa Kagera Sugar FC, awa mchezaji bora Ligi Kuu ya Tanzania Bara

Mchezaji wa timu ya Kagera Sugar FC, Mbaraka Yusuph Abeid amechaguliwa kuwa mchezaji bora wa Ligi Kuu ya Tanzania Bara wa mwezi Machi kwa msimu wa 2016/2017. Mbaraka aliwashinda wachezaji Abubakar Salum wa Azam FC na Kenny Ally wa Mbeya City kutokana na kuonyesha kiwango cha hali ya juu, hivyo kuisadia timu yake kupata matokeo mazuri.

Katika mwezi huo ilichezwa raundi moja tu na Mbaraka ambaye alicheza kwa dakika zote 90 aliisaidia timu yake kukusanya pointi zote tatu zilizoifanya timu yake kubaki katika nafasi ya nne (4) katika msimamo wa ligi kwa mwezi huo.

Katika mchezo huo mmoja, Mshambuliaji huyo alifunga goli moja, na alionyesha nidhamu ya hali ya juu, hivyo kutopata onyo lolote la kadi.

Mbaraka Yusuph ndiye mfungaji wa bao la ushindi katika mchezo wa Taifa Stars dhidi ya Burundi katika mchezo wa kimataifa wa kirafiki ambapo Taifa Stars ilishinda mabao 2-1.

Kwa kushinda tuzo hiyo, Mbaraka atazawadiwa kitita cha sh. milioni mojaza Tanzania kutoka kwa wadhamini wa Ligi hiyo.