Dan Norton aimarisha rekodi yake ya miguso raga za dunia

Muingereza Dan Norton ameimarisha rekodi na kuwa mfungaji bora katika raga za dunia za wachezaji saba kila upande baada ya duru nane za msimu 2016-2017.

Norton ambaye aliingia duru mbili za bara la Asia mjini Hong Kong na Singapore nakufanikiwa kuweka rekodi ya miguso 244, aliimarisha rekodi yake alipofunga miguso mitatu - mguso dhidi ya Japan, Afrika Kusini na Kenya katika duru ya Singapore Sevens iliyokamilika Aprili 16 baada ya siku mbili ya mashindano.