Putin na Trump kukutana kwa mara ya kwanza

Msaidizi wa rais wa Russia Bw Ushakov ametangaza kuwa rais Vladmir Putin atakutana na mwenzake wa Marekani Donald Trump kwa mara ya kwanza tarehe 7 mwezi huu.

Bw Ushakov amesema rais Putin na rais Trump watakutana tarehe 7 kando ya mkutano wa kilele wa nchi za Kundi la G20 utakaofanyika mjini Hamburg, Ujerumani. .

Habari zinasema viongozi hao watajadiliana masuala ya Syria, Ukraine pamoja na mapambano dhidi ya ugaidi wa kimataifa.