Nchi 6 zathibitisha kushiriki mashindano ya kuogelea kanda ya tatu Afrika

Jumla ya nchi 6 zimethibitisha kushiriki katika mashindano ya kuogelea ya kanda ya tatu ya Afrika (Cana zone 3) yaliyopangwa kufanyika jijini Dar es Salaam kuanzia Oktoba 19 hadi 21.

Mwenyekiti wa kamati ya maandalizi ya Chama Cha kuogelea Tanzania (TSA), Leena Kapadia amezitaja nchi hizo kuwa ni Afrika Kusini, Zambia, Kenya, Uganda, Djibouti na wenyeji Tanzania. Ameeleza kuwa, wanatarajia waogeleaji zaidi ya 200 kushiriki katika mashindano hayo ambayo Tanzania ni mabingwa watetezi.