Michuano ya Rugby Kenya: Kabras Sugar, Kenya Harlequins zatinga robo fainali

Timu za Kabras Sugar na Kenya Harlequins zimekuwa timu za kwanza kuingia robo-fainali kuu ya makala ya mwaka 2017 uwanjani RFUEA, Jumamosi.

Kabras imekata tiketi baada ya kuirarua Strathmore Leos 41-7 na MKU Thika 34-5 katika mechi za Kundi A.

Harlequins yenyewe imefuzu baada ya kuichabanga MKU Thika 38-12 na Strathmore Leos 19-10. Strathmore na MKU Thika zimeaga mashindano hayo na kuteremka katika shindano la Challenge.