Shirikisho la soka barani Afrika (CAF) limesema halijapokea barua rasmi kutoka shirikisho la soka nchini Misri, kuonyesha nia yao ya kutoshiriki michuano ya CHAN yatakayofanyika mwakani nchini Morocco.
Mapema wiki iliyopita, viongozi wa soka Misri walisema timu ya taifa inayojumuisha wachezaji wa ndani isingewezekana kushiriki michuano hiyo kutokana na ratiba ngumu ya ligi kuu nchini humo.
Mataifa yatakayoshiriki michuano hiyo ni Morocco, Libya, Ginea, Mauritania, Nigeria, Ivory Coast, Burkina Faso, Equitorial Guinea, Congo, Cameroon, Uganda, Sudan, Angola, Namibia na Zambia.
