Sheria ya Ukomo wa umri: Makada wa NRM wampongeza Museveni

Makada wa ngazi ya juu wa chama tawala cha NRM nchini Uganda wamepongeza hatua ya rais Yoweri Museveni wan chi hiyo kupitisha mabadiliko ya katiba ya nchi, ambayo yanamfanya aweze kugombea tena nafasi hiyo katika uchaguzi mkuu ujao na chaguzi zitakazofuata. Kutokana na kusainiwa kwa Sheria hiyo, makada hao wamewashauri wenzao wa upande wa upinzani kukubali kushindwa na kuendelea kutekeleza majukumu yao mengine.