Soka, CHAN: Raundi ya pili ya hatua ya makundi kuanza leo

Timu ya Congo-Brazzaville jana imefanikiwa kuongoza kundi D la michuano ya kombe la mataifa ya Afrika inayoendelea mjini Morocco baada ya kujikusanyia pointi tatu kwa kuifunga Cameroun kwa goli 1-0.

Uongozi huo umewezekana baada ya mechi nyingine ya kundi hilo baina ya Angola na Burkina Faso kuisha kwa sare ya bila kufungana.

Michuano hiyo inaendelea leo kwa mechi za kundi A ambapo wenyeji Morocco watacheza na Guinea ya Conakry, na Sudan wenye pointi 3 wakisaka ushindi wa pili ambao ni muhimu ili kusonga mbele watakapocheza dhidi ya Mauritania.