Sudan Kusini: MTN kupanua huduma Sudan Kusini

Kampuni ya mawasiliano ya MTN ya Afrika Kusini imeahidi kupanua huduma zake hadi Sudan Kusini ili kukidhi mahitaji yanayoongezeka nchini humo.

Mkuu wa mawasiliano wa kampuni hiyo nchini Sudan Kusini Khumbulani Dhlomo, hata hivyo amesema wanakabiliana na changamoto kadhaa hasa kutokana na mgogoro wa kisiasa wa muda mrefu.

Dhlomo amesema changamoto hizo ni pamoja na ukosefu wa usalama na hali mbaya ya kiuchumi

MTN yenye wateja 800, 000 ilitumia dola milioni $170 kwenye soko la Sudan Kusini kuanzia mwaka wa 2014 na 2015 lakini haijawahi kupaa faida.

MTN ndio ya pili kwa ukubwa wa kampuni za mawasiliano Sudan Kusini baada ya Vivacell.