• Idhaa ya Kiswahili
  • Uchumi
  • Michezo
  • Facebook
  • ChinaABC
  • Sayansi
  • Afya
  • Matukio makubwa yaliyotokea wiki hii (Julai 7-Julai 13)

    (GMT+08:00) 2018-07-13 17:07:15

    Bunge la Sudan Kusini laongeza muhula wa Rais Salva Kiir

    Bunge la Sudan Kusini limepiga kura ya kuongeza muhula wa Rais Salva Kiir hadi mwaka 2021 licha ya kushindwa kuandaa uchaguzi wa mwaka huu.

    Bwana Kiir amekuwa madarakani tangu Sudan Kusini ipate uhuru wake mwaka 2011 na uchaguzi wa mwaka 2015 nao ulihairishwa.

    Waziri wa sheria wa Sudan Kusini Bw Paulino Wanawilla Unango mapema mwezi huu aliwasilisha mswada bungeni, akitafuta kurefusha kipindi cha serikali ya mpito, cha rais, cha makamu wa kwanza wa rais na magavana wa majimbo kwa miaka mingine mitatu, kinachotarajiwa kuisha mwezi Agosti kwa mujibu wa Makubaliano dhaifu ya Amani yaliyosainiwa mwaka 2015, kati ya rais Kiir na kiongozi wa waasi Bw. Riek Machar.

    Kundi kuu la waasi SPLM-IO linaloongozwa na Bw. Machar na makundi mengine ya upinzani hivi karibuni wameeleza kupinga kurefushwa kwa muda wa serikali ya mpito, wakisema inakwenda ni kinyume na moyo wa mazungumzo yanayoendelea kati ya makundi hasimu na juhudi za Shirika la Maendeleo ya Kiserikali ya Nchi za Afrika Mashariki IGAD katika kuleta amani, ili kumaliza mgogoro uliodumu kwa miaka zaidi ya minne.


    1  2  3  4  5  6  7  8  9  
    Webradio
    Sauti
    6:00-7:00 (Afrika Mashariki)
    • FM 1
    12:00-13:00 (Afrika Mashariki)
    • FM 2
    20:00-22:00 (Afrika Mashariki)
    • FM 3A
    • FM 3B
    Maoni yako