JKU yatwaa Ubingwa wa ligi kuu Visiwani kwa tabu sana

Hatimaye ligi kuu Zanzibar imekamilika baada ya klabu ya JKU kutetea ubingwa wa soka visiwani kwa msimu wa 2017/18 baada ya kutoa kichapo kwa timu ya Jamhuri mabao 3-1 kwenye mchezo uliopigwa jioni ya jana uwanja wa amani.

Mabao mawili kutoka kwa Salum Mussa mnamo dakika ya 2 na 70 na msumari wa Posiana Malik kunako dakika ya 36 yalihitimisha ndoto za JKU kumyakua ubingwa wa ligi kuu ya Zanzibar mara ya pili mfululizo.