Esperance yaituliza Al Ahly na kutwaa ubingwa Afrika

Esperance ya Tunisia imefanikiwa kupindua matokeo ya mwishoni mwa wiki kwa kuichapa Al Ahly ya Misri mabao 3-0 katika mechi ya pili ya fainali na kutwaa ubingwa wa ligi ya mabingwa Afrika kwa jumla ya mabao 4-3.

Esperance iliyotwaa ubingwa mwaka 1994 na 2011, itawakilisha bara la Afrika katika michuano ya klabu bingwa ya dunia itakayochezwa Desemba mwaka huu katika nchi moja wapo ya falme za kiarabu.