SOKA: Dk. Mwakyembe awalipua viongozi TFF

Waziri wa habari, Utamaduni, Sanaa na Michezo wa Tanzania Dkt. Harrison Mwakyembe, amewashangaa viongozi wa Shirikisho la Soka Tanzania (TFF), kushindwa kuhudhuria na kuvumbua vipaji katika michuano ya Majeshi iliyofikia tamati mwishoni mwa wiki, uwanja wa Uhuru, Dar es Salaam.

Dkt. Mwakyembe amesema ni aibu kwa viongozi wa TFF ambao ni baba wa soka nchini humo kushindwa kujitokeza katika michuano hiyo ambayo alidai kwa upande wa soka vilionekana vipaji vingi.