Mchakamchaka wa ligi kuu ya Uingereza (EPL) uliendelea jana kwenye viwanja tofauti, watoto wa darajani Stamford -Chelsea aka the blues imevuruga zaidi msimamo wa ligi hiyo kwa kuibuka na ushindi wa mabao 3-0 dhidi ya Brighton & Hove Albion, nayo Manchester City ilihitaji kufanya mabadiliko mengine kwenye msimamo wa ligi hiyo, ikicheza kwenye uwanja wao wa nyumbani imeifunga Cardiff City kwa bao 2-0.
Tottenham Hotspur ambayo kwa sasa imekuwa ikichechemea ilikuwa na kibarua kigumu dhidi ya Crystal Palace kwenye uwanja wake mpya, hadi mwisho wa mchezo Spurs wameibuka na ushindi wa magoli 2-0.
