中国国际广播电台
Hoteli ya Heping mjini
Shanghai
Hoteli ya Heping mjini Shanghai
ilijengwa mwaka 1929, ni jengo
la aina ya Gothic ya Italia.
Urefu wake ni mita 77 na ghorofa
12. Ukuta kwa nje ulijengwa
kwa mawe ya itale na kwa ndani
nguzo na sakafu ilijengwa kwa
marumaru. Hilo ni jengo la fahari
katika Mashariki ya Mbali.
Kaburi la Dkt. Sun
Yat-sen
Dkt. Sun Yat-sen ni mtangulizi
mkubwa wa mapinduzi ya kidemokrasia
nchini China, kaburi lake
lilijengwa mlimani nje kidogo
ya mji wa Nanjing. Majengo
kutoka chini ya mlima mpaka
juu ni uwanja, milango ya
mawe, ngazi, lango la kaburi,
vibanda vya mawe yenye maandishi,
ukumbi wa kutoa heshima na
ukumbi wa jeneza. Mtindo wa
majengo ya kaburi la Dkt.
Sun Yat-sen ni muunganisho
wa mtindo wa jadi wa Kichina
na wa Kimagharibi. Kaburi
hilo linasifiwa kuwa ni “kaburi
la fahari katika historia
ya siku hizi nchini China”.
Kaburi
la Dkt. Sun Yat-sen
Ukumbi Mkuu wa Umma
Ukumbi Mkuu wa Umma uko katika
upande wa magharibi wa uwanja
wa Tian An Men, ni mahali
viongozi wa taifa na umma
wanaposhughulika na mambo
ya siasa, na pia ni moja kati
ya majengo makubwa nchini
China. Ukumbi huo ulijengwa
mwaka 1959, eneo lake ni mita
za mraba laki 1.7. Ukumbi
Mkuu wa Umma waonekana kwa
ufahari, na unalingana na
mazingira ya uwanja wa Tian
An Men. Mlango wa mbele unatazama
uwanja wa Tian An Men, na
juu ya mlango huo inabandikwa
nembo ya taifa, na pande mbili
za mlango huo ni nguzo 12
ya marumaru yenye urefu wa
mita 25. Baada ya kuingia
kwenye mlango huo kuna ukumbi
mkubwa, nyuma ya ukumbi huo
ni ukumbi wa kufanyia mkutano
wenye eneo la mita 76 kwa
upana na mita 60 kwa urefu,
kwenye upande wa kulia wa
ukumbi huo wa mkutano ni ukumbi
wa karamu wenye nafasi 5,000.
Ndani ya Ukumbi Mkuu wa Umma
kuna kumbi zaidi ya mia moja,
na kila ukumbi una uzuri wake
wa kipekee.
Hoteli ya Xiangshan
Hoteli hiyo ilijengwa mwaka
1982, ilisanifiwa na Bei Yuming,
msanifu mkubwa wa Marekani
mwenye asili ya China. Hoteli
hiyo imejengwa mlimani kwa
mtindo wa kale wa Kichina.
Mwaka 1984 hoteli hiyo ilipata
tuzo ya sifa ya Shirikisho
la Ujenzi la Marekani.
|