Kenya imeanza mazungumzo na nchi nyingine mbalimbali ili kutimiza mpango wa kuweka kiwanda cha kutengeza chanjo ya COVID-19 hadi kufikia 2024.

Katibu Mkuu Utawala wa Wizara ya Afya Rashid Aman amesema Kenya inawasiliana na nchi mbalimbali ili kupata utafiti, teknolojia, viungo vya dawa na kuunga mkono uzalishaji wa bidhaa nyingine za huduma za afya. Bw. Aman amesema upungufu wa chanjo ya COVID-19 ulioikumba dunia hivi karibuni umeihamasisha Kenya kujenga haraka kituo cha kutengeneza chanjo hiyo kiitwacho Kenya Biovax Limited. Nchi zinazotengeza chanjo ya COVID-19 duniani ni pamoja na China, Marekani na Russia, ambapo baadhi yake Kenya imepata chanjo yao.