Saa zimekuwa nyingi.
Baada ya kushiriki kwenye sherehe moja, giza limeingia na unataka kuondoka. Wakati huu unaweza kumwambia mwenyeji kuwa"shí jiān bù zǎo le." "shí jiān": wakati; "bù": si; "zǎo": mapema. "shí jiān bù zǎo le." yaani saa zimekuwa nyingi.

Tuondoke sasa.
Baada ya kusema "shí jiān bù zǎo le.", huenda unataka kusema "wǒ mén gāi zǒu le." Maana yake ni tuondoke sasa. "wǒ mén": sisi; "gāi": lazima; "zǒu le" : kuondoka.

Kwa heri!
Hii ni sentensi inayotumiwa mara kwa mara katika maisha yetu.
zài yaani tena, jiàn ni kuonana. "zài jiàn" maana yake ni kwa heri, au tutaonana tena.

Mzingatie afya！
Namna ya kusema Mzingatie afya kwa Kichina? Unaweza kusema: duō bǎo zhòng. Duō, maana yake ni nyingi. bǎo zhòng: kutilia maanani afya.
"duō bǎo zhòng" yaani Mzingatie afya. Ama pia unaweza kusema "bǎo zhòng".

Tuzidi kuwasiliana!
"Tuzidi kuwasiliana" kwa Kichina ni "bǎo chí lián xì"."bǎo chí": kudumisha."lián xì": mawasiliano.