Muziki uliochangamka wasaidia kuinua uwezo wa kubuni

Utafiti wa Australia umeonesha kuwa kusikiliza muziki uliochangamka sio tu kunaweza kuboresha hisia ya moyo, bali pia kunaweza kuinua uwezo wa kubuni.

Watafiti wa chuo kikuu cha sayansi na teknolojia cha Sydney wametoa ripoti ikisema, katika utafiti wao mpya wamechagua miziki minne, ambayo inaweza kuleta hisia ya utulivu, furaha, huzuni na wasiwasi.

Watafiti wamewagawanya washiriki 155 kwenye vikundi vitano, na kuwataka kumaliza kazi zinazohitaji ubunifu, kama vile kufikiria matumizi tofauti ya ubunifu ya kupanga vitofali. Vikundi vinne vinasikiliza muziki wa aina nne unaoleta hisia tofauti, na kikundi cha tano hakisikilizi muziki. Matokeo yameonesha kuwa, kusikiliza muziki uliochangamka kunaweza kuinua wazo la ubunifu. Watafiti wamesema, kuinua uwezo wa uvumbuzi ni jambo muhimu la kuhimiza maendeleo ya sayansi na teknolojia, na ni muhimu sana kuelewa athari zinazoyokana na muziki kwenye ubunifu. Mazingira yanaweza kuathiri ubunifu, na muziki ni moja ya njia zinazoweza kubadilisha mazingira.

Watafiti wamesema, wataendelea kutafiti athari za mitindo tofauti kwenye ubongo.