Kenya: Kenya kujadili peke yake soko na biashara na Uingereza

Kenya itaanza peke yake mazungumzo ya makubaliano ya ushirikiano wa kiuchumi na Uingereza, na huku majirani zake wa Afrika Mashariki wakijiunga baadaye.

Hii inafuatia uamuzi wa Tanzania na Uganda kukubaliana kuhusu kujiunga na Kenya baadaye kumaliza makubaliano ya biashara, wakati tarehe rasmi ya kuondoka kutoka ulaya ya Desemba 31 ikikaribia.

Brexit itafunga dirisha juu ya mpangilio wa kibiashara wa sasa ambao Nchi wanachama wa EAC hufurahiya kiasi fulani cha msamaha wa ushuru katika soko la Uingereza.

Uuzaji wa bidhaa za Kenya nchini Uingereza utatozwa ushuru wakati nchi zingine wanachama wa Jumuiya ya Afrika Mashariki, ambazo zinaainishwa kama nchi zinazoendelea, zitaendelea kufurahia upunguzaji wa ushuru.