SOKA: Aubameyang ajiondoa timu ya Taifa ya Gabon

Nahodha wa Arsenal Pierre Emerick Aubameyang amejiondoa katika timu ya Taifa ya Gabon,sababu kubwa ikiwa ni maumivu ya kifundo cha mguu aliyoyapata katika mchezo wa Sheffield Utd jumapili iliyopita. Kwa mujibu wa kocha wa timu ya Taifa ya Gabon Patrice Neveu amesema Aubameyang hatakuwa sehemu ya timu katika mchezo wao wa kimataifa dhidi ya Benin. Kwa upande wa klabu yake ya Arsenal, watakutana na changamoto iwapo watamkosa katika mechi ngumu ijayo dhidi ya Manchester City tarehe 17/10/2020.