Lilian na Daniel: Mke na mume kusoma katika nchi moja kwa wakati mmoja

Pili: Karibuni katika kipindi hiki cha Daraja la Urafiki kati ya China na Afrika. Leo hapa studioni, niko pamoja na wenzangu katika kipindi hiki.

Lilian: Mimi ni Lilian, leo tuna mgeni wetu, tumkaribishe.

Daniel: Jina langu ni Daniel Gustar Lyimo. Mimi ni Mtanzania, na ninasoma katika mji wa Wuhan, nimesoma masomo ya MBA kwa miaka miwili.

Pili: Umefika hapa China mwezi gani?

Daniel: Nimekuja China mwishoni mwa mwezi wa tisa mwaka 2008, na nimeanza rasmi masomo mwezi wa kumi. Na mpaka sasa ni karibu miezi mitatu.

Lilian: Ninafurahi sana, mimi ni mke wa Daniel. Mimi nilikuja China mwishoni mwa mwezi wa tisa mwaka 2007, na mimi ninasoma masomo ya diplomasia katika chuo kikuu cha umma.