Viongozi wa Korea Kaskazini na Korea Kusini wakutana mpakani

Rais Moon Jae-in wa Korea Kusini leo asubuhi amefanya mazungumzo ya kwanza na mwenzake wa Korea Kaskazini Bw. Kim Jong-Un.

Mazungumzo kati yao yamefanyika katika jengo la Peace House katika kijiji cha mpakani cha Panmunjom kilichoko upande wa Korea Kusini.

Rais Kim Jong-Un ni kiongozi wa kwanza wa Korea Kaskazini kufika nchini Korea Kusini tangu vita vya Korea vilivyotokea mwaka 1950 hadi 1953.