• Idhaa ya Kiswahili
  • Uchumi
  • Michezo
  • Facebook
  • ChinaABC
  • Sayansi
  • Afya
  • SGR yangu-Wahudumu waliopata mfunzo China

    (GMT+08:00) 2018-10-24 10:46:03

    Kwenye makala yetu ya hadithi za SGR leo mwandishi wetu amekutana na Kennedy Mugo na Chelangat Sharon, wahudumu wa wa abiria kwenye treni mpya ya SGR kati ya Nairobi na Mombasa.

    Wawili hao ni miongoni mwa wale waliopata mafunzo nchini China.

    Ni sauti za Kennedy Mugo na Chelangat Sharon ambao ni wahudumu wa ndani ya treni mpya ya kisasa nchini Kenya na wamekuwa wakifanya kazi hapa kwa zaidi mwak mmoja unusu.

    Kennedy aliwahi kufanya kazi kwenye shirika la ndege la Kenya, Kenya airways na hivyo anaweza kulinganisha majukumu ya kuhudumia wasaifiri.

    "Ninapofika asubuhi shughuli za kupanga abiria huwa zinaanza kama saa kumi na mbili asubuhi, mnaingia kwa treni mnahakikisha kila kitu iko sawa, halafu mnakaribisha abiria saa moja hivi na dakika arobaini halafu saa mbili na dakika ishirini treni inaondoka."

    Katika safari moja, treni hiyo inabeba abiria 1,200 ikianzia kituo kikuu Nairobi, Athi River, Emali, Kibwezi, Mtito Andei, Voi, Miaseny, Mariakani, na haimaye Miritini.

    Kwenbye safari hii Sharon ana jukumu muhimu la kuhakikisha wasafiri wanafika salama.

    "Kazi yangu ni kuangalia abiria, niwachunge, ili kuona kwamba wanafika kwenye kituo chao vizuri na kwa muda inayotakikana , kuhakikisha usafi wa hali juu, kuchunga watoto, na kila mtu ajiskie amechungwa vizuri na wafurahie."

    Kabla ya kuanza kufanya kazi hapa Sharon na Mugo walipokea mafunzo yaliotolewa na wataalm wa China hapa nchini Kenya na baadaye wakasafiri kwenye China kwa mafunzo zaidi na pia kujiongea jinsi treni za China zinavyofanya kazi.

    Mugo anasema kutokana na mafunzo waliopata sasa utenda kazi wao umeimarika na wameweza kuendesha oapresheni zao kwa mafanikio makubwa.

    "Sisi mafunzo tuliopokea ni ya kichina na baadaye tukapata nafasi ya kwenda China kujionea moja kwa moja jinsi wanavyoendesha shughuli kwenye treni zao. Tuliwasili mjini Beijing na kuabiri treni moja hadi mji wa Wuhan ambayo ilichukua masaa matani hivi kwenye umbali wa kilomita karibu 800. Tulipomaliza mafunzo hapo tukaelekea mjini Chengdu. Wafanya kazi wa huko wamejitolea sana kwa kazi yao ndio tukaweza kuelewa vile wangetaka pia tuwe tukifanya ile kazi na sasa tumerudi na kuweza kuleta hayo mafunzo kwa wengine"

    Baada ya muda uliowekwa Kenya itakuwa na jukumu la kuendesha yenyewe oparesheni za treni hii.

    Ingawa sasa wakenya wanaendelea kuwa na uwezo wa kufanya hivyo na kupayta mafunzo siku hadi siku, Sharon anasema mafunzo aliopata hadi sasa yanamwezesha kufanya kazi bila ya msaada mwingi.

    "Ndio naweza bila wachina lakini hao ndio walinipa muongozo na kunifunza lakini kukiwa na upungufu tunaweza kuwaomba msaada na tunasaidiana mkono kwa mkono"

    Kwa miaka mitano Mugo alifanya kazi kwenye shirika la ndege la Kenya na kwa wengi wenye umri mdogo kama yeye wanaiona kama sekta yenye ufanisi na fursa kubwa.

    Lakini anasema alizingatia maswala kadhaa na kuamua kujiunga na SGR ambayo ndio reli ya kwanza ya kisasa kwenye kanda ya Afrika Mashariki iliojengwa na wachina.

    "Niliona kwamba siku za baadaye za SGR ni zuri na kuna fursa kubwa sana na pia haitakuwa na shughuli nyingi za kwenda nje mara kwa mara. Nikaona pia naweza kutumia fursa hii kama jukwaa la kuendeleza ile shauku yangu ya kuhudumia wateja. Naweza nikasema SGR ni kitu muhimu sana kwangu, hata uukiniamsha usiku jina la kwanza kusema itakuwa SGR kwa sababu tumeipea muda, mawazo na maisha yetu yote na ni kama huwa tunaishi hapa, hakuna nafasi ya kurudi Chini ni mbele, mbele na kuendelea"

    Sharon anajivunia kuwa miongoni mwa wanawake wa kwanza kuwa mtoa huduma kwenye treni mpya.

    Yuko tayari kukabili changamoto yoyote kwenye kazi za kila siku na pia anawaalika wakenya wasafiri kwenye treni hiyo na kujionea huduma zake kisasa.

    "Wapande kwanza treni, waone jinsi tunavyofanya kazi na waone kwama tuna viwango vizuri na kila kkitu inafanyika kwa njia ya hali ya juu kwa kufuata masaa, mavazi . Tumefunzwa na wachina kufanya haya yote lakini pia kunai le furaha ya wakenya hata tuna madereva wanawake kwa hivyo waje wajionee"

    Kennedy Mugo na Chelangat Sharon ni mfano wa ushirikiano wa kuhamisha utaalam wa sekta ya huduma kutoka China hadi Kenya kupitia kwa mafunzo.

    Pia ni ishara kwamba lengo la jumla la ushirikiano huo ni kuwezesha nchi nyingi za Afrika kuweza kendesha zenyewe miradi yao ilioanza kwa msaada wa China.

    Webradio
    Sauti
    6:00-7:00 (Afrika Mashariki)
    • FM 1
    12:00-13:00 (Afrika Mashariki)
    • FM 2
    20:00-22:00 (Afrika Mashariki)
    • FM 3A
    • FM 3B
    Maoni yako