Nancy Kiprop ametwaa taji la mbio za riadha za mjini Vienna kwa mwaka wa tatu mfululizo baada ya kushinda makala ya 36 kwa rekodi mpya ya saa 2:22:12 nchini Austria.
Kasi ya Mkenya huyo ni dakika moja na sekunde 35 bora kuliko rekodi ya awali ya saa 2:23:47 ambayo Muitaliano Maura Viceconte amekuwa akishikilia tangu mwaka 2000.
Kwa upande wa wanaume, Vincent Kipchumba wa Kenya amerejesha nchini Kenya taji la Vienna, imemchukua saa 2:06:56 kuibuka mshindi mbele ya Mswizi Tadesse Abraham aliyetumia saa 2:07:24 na mganda Solomon Mutai aliyemaliza kwa kutumia saa 2:08:25. Zaidi ya wanariadha 41, 000 kutoka mataifa 110 walishiriki makala hayo.
