China yaitaka Marekani kusimamisha kuingilia kati mambo ya Hong Kong na mambo ya ndani ya China

Msemaji wa wizara ya mambo ya nje ya China Bw. Geng Shuang amesema China inaitaka Marekani ifikirie serikali ya eneo maalumu ya Hong Kong kusahihisha sheria kwa haki, kuchunga maneno yake, na kusimamisha kuingilia kati mambo ya Hong Kong na mambo ya ndani ya China.

Bw. Geng Shuang amesema, China imeeleza msimamo wake mara kwa mara kuhusu eneo maalumu la Hong Kong kusahihisha sheria. Serikali ya Hong Kong imesikiliza maoni ya pande mbalimbali za jamii, na kutoa majibu kwa mapendekezo husika. Amesema serikali kuu ya China itaendelea kuunga mkono serikali ya eneo maalumu ya Hong Kong kuendelea na kazi hiyo.

Habari zinasema, wizara ya mambo ya nje ya Marekani hivi karibuni imeeleza wasiwasi wake kuhusu Hong Kong kusahihisha sheria ya kukamata wahalifu wanaotoroka, na inaona hatua hiyo itaathiri hadhi maalumu ya Hong Kong katika mambo ya kimataifa.