Uganda: Uganda kupokea ndege mbili zaidi aina ya Bombardier

Wizara ya uchukuzi nchini Uganda imesema kuwa inatarajia kupokea ndege ya tatu aina ya CRJ-900 bombardier.

Waziri wa wizara hiyo Monica Azuba amesema ndege ya nne itawasili mwezi Septemba.

Ndege hizo mbili ni sehemu ya ndege 4 ambazo serikali ya Uganda iliagiza kutoka Canada ambako zinatengenezwa.

Ndege za kwanza mbili zilizonunuliwa kwa gharama ya dola milioni 41 ziliwasili Aprili.