Eliud Kipchoge kuwekewa kasi na ndugu watatu kutoka Norway

Mwanariadha nyota wa Kenya Eliud Kipchoge atawekewa kasi na ndugu watatu kutoka Norway – Henrik, Filip na Jakob Ingebrigtsen – atakapojaribu tena kuwa binadamu wa kwanza kukamilisha mbio za kilomita 42 chini ya saa 2:00:00 jijini Vienna nchini Austria Oktoba 12, 2019. Mkenya huyo, ambaye ni bingwa wa Olimpiki na anayeshika rekodi ya dunia ya mbio za kilomita 42 kwa wanaume ya saa 2:01:39, alikosa kwa sekunde 25 kutimka umbali huo chini ya saa mbili mjini Monza mwezi Mei mwaka 2017.