Mwishoni mwa wikiendi kulipigwa michezo kadhaa ya klabu bingwa Afrika ambapo wawakilishi wa Tanzania Yanga waliifurumusha wacheza Makhirikhiri wa Botswana, Township Rollers kwa goli 1-0 jijini Gaborone nchini humo. Huku watani wao wa jadi Wekundu wa Msimbazi Simba wakiwa nyumbani uwanja wa taifa jana wameondolewa katika michuano hiyo baada ya kutoka sare ya 1-1 dhidi ya Wamakonde wa Msumbiji US Songo. US Songo imepata faida ya goli la ugenini.
Katika kombe la shirikisho, KMC imeshindwa kutumia vyema uwanja wake wa nyumbani na kukubali kupigwa 2-1 na kufungasha virago baada ya kupoteza mchezo dhidi ya AS Kigali ya Rwanda. Azam FC imekataa uteja kwa mara ya pili baada ya kuwachapa Fasil Kenema 3-2.
