Matukio makubwa yaliyotokea wiki hii (July 13-July 19)

Marekani yatungua ndege isiyokuwa na Rubani ya Iran

Raisi wa Marekani Donald Trump amesema ijumaa wiki hii alisena jeshi la maji la Marekani limetungua ndege isiyo na rubani ya Iran katika eneo la mpaka kati ya ghuba ya uajemi na ghuba ya Oman.

Amesema meli ya jeshi lake ''ilichukua hatua ya ulinzi'' siku ya Alhamisi baada ya ndege hiyo kusogea kwa takriban mita 914 karibu na chombo hicho.

Hata hivyo wakati wa kwenda hewani Irani ilikuwa haijasema chochote kuhusu tukio hilo. Mwezi Juni, Iran iliangusha ndege ya kijeshi isiyo na rubani ya Marekani, na kusababisha hofu ya kutokea mzozo wa kijeshi. Awali Tehran ilisema imekamata ''meli ya kigeni'' na wafanyakazi wake 12 siku ya Jumapili kwa kusafirisha mafuta kinyume cha sheria.

Iran imekuwa ikishutumiwa na Marekani kwa kushambulia meli zake tangu mwezi Mei.Tehran ilikana shutuma hizo.

1  2  3  4  5  6