Matukio makubwa yaliyotokea wiki hii (Januari 28-Februari 3)

Kiongozi wa upinzani DRC Etienne Tshisekedi, amefariki

Kiongozi wa upinzani nchini Jamhuri ya Kidemokrasia ya Kongo, Etienne Tshisekedi, amefariki dunia mjini Brussels nchini Ubelgiji ambako amekuwa akipokea matibabu.

Alikuwa na umri wa miaka 84 na amekuwa mmoja wa wanasiasa wakongwe waliokuwa mstari wa mbele kupigania demokrasia nchini humo

Alipinga utawala wa aliyekuwa kiongozi wa nchi hiyo Rais Mobutu Sese Seko, ambae utawala wake ulidumu kwa miongo kadhaa kabla ya kupinduliwa.

Etienne Tshisekedi pia alikuwa mpinzani wa Rais Laurent Kabila, ambae aliingia madarakani mnamo mwaka 1997, na mwanae, Rais Joseph Kabila, ambae hivi sasa ndio anatawala nchi hiyo.