Kiongozi wa Muungano wa Azimio la Umoja Raila Odinga amesema kampeni ya kumwondoa Rais William Ruto madarakani itaanza Ijumaa, Julai 9.

Raila amesema hatua hiyo itaanza kwa kukusanya saini ili kuwezesha hoja ya kumwondoa rais kupitishwa.

Kiongozi huyo wa ODM alimtuhumu Rais Ruto kwa kuweka kodi kwa Wakenya na kutojali kilio chao wakati wa kutekeleza sheria. "Tangu sasa, tunachukua hatua kali dhidi ya utawala usio halali wa Ruto kwa jibu la matendo yake dhidi yetu. Ruto anaongeza kodi bila idhini yetu na kutekeleza sheria ambazo zinafanya maisha yetu kuwa magumu zaidi. Hatuwezi tena kuvumilia hali ya sasa ya kodi na dhuluma zinazofuatana nayo," Raila alisema.

Kiongozi huyo wa Upinzani alisema Wakenya hawawezi kuendelea na maumivu hayo kwa sababu yamekuwa yasiyovumilika.