Serikali ya Tanzania imesema inaendelea kuchukua hatua mbalimbali ili kuongeza idadi ya wazee wanaopata huduma rasmi za kifedha nchini Tanzania kufikia asilimia 85 ifikapo mwaka 2028.

Akiongea kwenye uzinduzi wa Mfumo wa Kitaifa wa Ushirikishwaji wa Kifedha III (NFIF III, 2023–2028), makamu wa Rais wa Tanzania Dk. Philip Mpango, amesema mbali na hayo serikali itaelekeza juhudi katika kushughulikia mahitaji ya ujumuishaji wa kifedha kwa watu ambao hawajafikiwa vya kutosha kama vile wanawake, vijana, wafanyabiashara wadogo na wa kati (MSMEs), watu wenye mahitaji maalum, wakulima na wavuvi.

Kwa mujibu wa ripoti ya utafiti ya FinScope Tanzania 2023, ujumuisho rasmi wa fedha wa Tanzania kwa sasa umefikia asilimia 76, kutoka asilimia 65 mwaka 2017. Dk. Mpango amesema inawezekana kufikia malengo ya serikali kama sekta ya umma na binafsi zitatekeleza mikakati madhubuti ya kukabiliana na vizuizi vilivyopo kwenye ushirikishwaji rasmi wa kifedha.