Jumba la Makumbusho la Uingereza na Jumba la Makumbusho la Victoria na Albert litarudisha vitu vya kale vya dhahabu na fedha vilivyoporwa wakati wa ukoloni kutoka kwenye mahakama ya kifalme ya Asante ya Ghana.

Makubaliano ya Ghana ya mkopo wa muda mrefu wa bidhaa hizo yanakuja huku kasi ya kimataifa ikiongezeka kwa majumba ya makumbusho na taasisi kurejesha vitu vya kale vya Afrika kutoka kwa mataifa yenye nguvu ya kikoloni Uingereza, Ufaransa, Ujerumani na Ubelgiji.

Bidhaa zilizorejeshwa ni pamoja na upanga wa Mponponso wenye umri wa miaka 300 uliotumika katika sherehe za kuapishwa Asantehene, paipu ya amani ya dhahabu na beji za dhahabu za kutakasa roho, miongoni mwa hazina nyinginezo.

Mabaki hayo yalichukuliwa baada ya Vita vya tatu vya Anglo-Asante mwaka 1874 na yanajumuisha vitu 32, 15 kutoka Makumbusho ya Uingereza na 17 kutoka Makumbusho ya Victoria na Albert, ambayo yote yako London.

Ikulu ya kifalme ilisema vitu hivyo vitaoneshwa huko Kumasi, makao ya Ufalme wa Asantehene, kwenye Jumba la Makumbusho la Ikulu ya Manhyia kwa hadi miaka sita.