Mwezi Machi 2024, Taasisi ya Mafunzo ya Usalama (ISS) iliripoti jinsi baadhi ya vijana wa Kenya wanavyouza figo zao ili kuondokana na umaskini.

Kwa mujibu wa chapisho hilo, gharama ya figo ilikuwa takriban dola 1,000 za Marekani (kama KSh130,000), pamoja na pikipiki.

Vijana wengi wa Kenya wanatamani kumiliki pikipiki kama chanzo cha mapato kupitia usafiri wa boda boda. Chapisho hilo lilisimulia hadithi ya Joseph Japiny, 30, kutoka Kaunti ya Homa Bay, ambaye alikiri kwamba alipata pikipiki yake kwa kuuza figo yake. Japiny alisema kuwa Jadhot, mfanyabiashara wa kati anayehusika na mauzo ya figo, alimuunganisha na wanunuzi. Alieleza kuwa Jadhot aliwaunganisha vijana wa Eldoret, Busia, na Nairobi na wanunuzi wa figo.

Ripoti ya Jumuiya ya Kimataifa ya Nephrology imeorodhesha takriban matukio 100 ya usafirishaji wa viungo nchini humo. Utafiti huo, ambao matokeo yake yaliwasilishwa Disemba 2023 wakati wa Kongamano la 2023 la Shirikisho la Renal Kenya (KRACON 2023), unaonesha kuwa Wakenya maskini walikuwa waathiriwa wakubwa wa kundi la ulanguzi wa viungo.