Mamlaka ya Hali ya Hewa Tanzania (TMA) imetoa tahadhari ya upepo mkali na mawimbi makubwa yanayoweza kuathiri mikoa 11 ya Tanzania ikiwemo Dar es Salaam katika siku nne zijazo.

Utabiri wa athari za hali ya hewa uliotolewa na mamlaka hiyo, unaonyesha kuwa kuanzia Jumanne, Juni 11 hadi 14, 2024, upepo mkali unaofikia kilomita 40 kwa saa na mawimbi makubwa yanayozidi mita mbili yatatokea mkoani Tanga na Pwani, na maeneo mengine ya Visiwa vya Mafia, Lindi, Mtwara, na Unguja.

Hali hii mbaya ya hali ya hewa inatarajiwa kutatiza shughuli mbalimbali za kiuchumi na za baharini, hivyo kutoa changamoto kubwa kwa wakazi na makampuni katika maeneo hayo. Mikoa mingine inayoweza kuathirika ni pamoja na ya karibu na Ziwa Victoria, Kagera, Geita, Mwanza, Mara, na Simiyu.