Rais wa Mali Assimi Goita ameahidi kuongeza mapambano dhidi ya ugaidi, na kurejea tena nia yake ya kutafuta amani, usalama na maendeleo nchini humo.

Rais Goita amesema hayo baada ya gwaride la jeshi la kuadhimisha miaka 64 ya uhuru wa nchi hiyo.

Wakati akisifu ahadi ya watu wa Mali, ambao licha ya changamoto, wameendelea kuliunga mkono jeshi la nchi hiyo katika jukumu lake la kulinda taifa, rais Goita amesisitiza haja ya muungano wa kipekee kati ya vikosi vya ulinzi na usalama, akisema ushindi katika vita hiyo unahitaji uungaji mkono wa mara kwa mara kutoka kwa wananchi na wenzi wa nchi hiyo.