Rais Xi Jinping wa China amehimiza mafunzo ya vikosi vya jeshi, kuimarisha utayari wa mapambano na kuboresha uwezo wa operesheni kutoka angani ili kuvijenga vikosi vya askari wa miavuli vya China viwe imara na kisasa.

Rais Xi ametoa kauli hiyo Jumatatu wakati wa ziara ya ukaguzi kwenye kikosi kimoja cha askari wa miavuli mjini Xiaogan, Mkoani Hubei. Rais Xi alikagua vifaa vinavyotumika katika operesheni za anga na kufahamishwa kuhusu utendaji wa zana na silaha zao.