Rais Xi Jinping wa China amempongeza Donald Trump kwa kuchaguliwa kuwa rais wa Marekani.

Rais Xi amesema historia imeonesha kuwa China na Marekani zikishirikiana, zitanufaika pamoja, kama zikipambana zitadhurika pamoja. Amesema uhusiano kati ya China na Marekani wenye utulivu, afya na maendeleo endelevu unalingana na maslahi ya pande mbili na matarajio ya jumuiya ya kimataifa.

Rais Xi amezitaka pande mbili kushikilia kanuni za kuheshimiana, kuishi kwa amani, kushirikiana na kunufaishana, kuimarisha mawasiliano na mazungumzo, kudhibiti migongano, kupanua ushirikiano wa kunufaishana, kutafuta njia sahihi ya kuishi pamoja kwa China na Marekani katika zama mpya, ili kunufaisha nchi mbili na dunia nzima.

Siku hiyo, makamu wa rais wa China Bw. Han Zheng pia alimpigia simu Bw. James Vance na kumpongeza kuchaguliwa kuwa makamu wa rais wa Marekani.