Shirika la Habari la Korea (KCNA) limeripoti kuwa Korea Kaskazini imeidhinisha mkataba wa ushirikiano wa kimkakati wa pande zote kati yake na Russia chini ya amri ya kiongozi mkuu wa nchi hiyo Bw. Kim Jong-un.

Shirika hilo limesema Bw. Kim Jong-un amesaini amri hiyo Jumatatu na mkataba huo utaanza kutekelezwa siku ambayo pande hizo mbili zitabadilishana hati za kuuridhia.

Mwezi Juni wakuu wa nchi hizo mbili walisaini mkataba huo baada ya kukutana mjini Pyongyang.