Nyota mkongwe wa Hollywood Denzel Washington ametangaza kwamba anatazamiwa kuonekana katika toleo jipya zaidi la filamu ya Marvel Black Panther.

Muigizaji huyo aliyeshinda tuzo alithibitisha kuwa uhusika unatayarishwa kwa ajili yake katika Black Panther 3 wakati anapokaribia kumaliza majukumu yake ya mwisho ya uigizaji kabla ya kustaafu. Kauli yake alipokuwa akiongea na kipindi cha Today Show cha Australia pia ilithibitishwa kwa mashabiki kwamba sehemu ya tatu ya filamu hiyo maarufu inafanyiwa kazi.

"Katika hatua hii ya kazi yangu, nina nia ya kufanya kazi na walio bora zaidi kwani sijui ni filamu ngapi zaidi nitatengeneza, labda sio nyingi," Washington alisema.