Matukio makubwa yaliyotokea wiki hii (Oktoba 22-Oktoba 28)

Jeshi la Iraq ladhibiti tena mji wa Hamdaniyah wakati vikosi vikielekea Mosul

Vikosi vya usalama vya Iraq vimeukomboa mji wa Hamdaniyah kutoka kwa wapiganaji wa kundi la IS karibu na mji wa Mosul huku mashambulizi makali yakiendelea kwa lengo la kukomboa maeneo mengi zaidi kwenye mji huu.

Duru za kijeshi zinasema vikosi hivyo vilipandisha bendera ya taifa la Iraq kwenye jengo la serikali ya huko katikati ya Hamdaniyah, na pia kudhibiti kijiji cha karibu cha kikristo cha Karamlis baada ya wapiganaji wa IS kukimbia kambi zao.

Mapambano makali yanaendelea katika sehemu ijulikanayo kama Ninebeh Plain, ambayo iko mashariki na kaskazini mashariki mwa Mosul, mji mkuu wa mkoa wa kaskazini wa Nineveh, nchini Iraq.