Wafanyakazi wa Idhaa ya Kiswahili ya CRI
China Radio International
China
Dunia
(GMT+08:00) 2005-06-20 19:22:37    
Kivuli cha tofauti ya maoni ndani ya Umoja wa Ulaya chafunika mkutano wa wakuu wa nchi nane

cri
    Mkutano wa wakuu wa nchi nane, ambao utasimamiwa na Uingereza, umeamua kufunguliwa huko Scotland mwanzoni mwa mwezi ujao. Lakini wakati maandalizi ya mkutano huo yanapoendelea na kuingia kipindi cha mwisho, Mipasuko inatokea mara kwa mara kati ya Uingereza na nchi nyingine za Umoja wa Ulaya, hususan kutoelewana na Ufaransa na Ujerumani katika suala la bajeti ya Umoja wa Ulaya. Vyombo vya Uingereza vinabashiri kuwa kivuli cha "mzozo" kitafunika mkutano wa wakuu wa kundi la nchi nane, na kusababisha lengo lililowekwa na waziri mkuu wa Uingereza Bw. Tony Blair kwenye mkutano huo kutoweza kutimizwa.

    Kwenye mkutano wa wakuu wa nchi za Umoja wa Ulaya uliofungwa mwishoni mwa wiki iliyopita, Uingereza ilikataa kuacha kuchukua fedha zinazorejeshwa katika bajeti ya Umoja wa Ulaya, ambazo imekuwa ikizichukua kila mwaka tangu mwaka 1984, na kuhusisha suala hilo na upunguzaji wa ruzuku la kilimo wa Ufaransa na kutaka kurekebisha sera za pamoja za kilimo kabla ya mwaka 2013. Lakini Ufaransa imepinga kabisa dai hilo la Uingereza. Kukazana kwa pande hizo mbili kumekwamisha majadiliano ya ajenda muhimu ya mkutano huo ya bajeti ya kipindi cha kati ya Umoja wa Ulaya. Viongozi walioshiriki mkutano huo waliondoka wakiwa hawana furaha.

    Kuchukua "fedha za kurudishwa kutoka bajeti" kwa Uingereza katika miaka mingi iliyopita kumesababisha malalamiko ya nchi nyingine za Umoja wa Ulaya. Kwenye mkutano huo, msimamo mkali wa wakuu wa nchi waziri mkuu Blair ulishutumiwa na wakuu wa nchi muhimu za Umoja wa Ulaya zikiwemo Ufaransa na Ujerumani, na kuleta mzozo kati ya Bw. Tony Blair na Bw.Gerhard Schroeder. Kwenye mkutano wa wakuu wa kundi la nchi nane wenye mazingira kama haya, ni vigumu kwa Bw. Blair kupata uungaji mkono kutoka nchi za kirafiki za jadi. Uingereza ambayo ni nchi mwenyekiti wa kundi la nchi nane wa mwaka 2005, imechukulia upunguzaji wa umaskini duniani kuwa moja ya ajenda ya mkutano huo, na kutoa utatuzi kamili ukiwa ni pamoja na kupunguza au kusamehe madeni, kuongeza misaada, kufuta ruzuku ya kilimo na kufungua masoko kwa nchi maskini. Tarehe 11 mwezi huu, mawaziri wa fedha wa kundi nchi nane kwenye mkutano wa London waliafikiana katika suala la kusamehe madeni yenye thamani ya dola za kimarekani bilioni 40 ya nchi 18 maskini. Lakini suala la ongezeko la misaada halikuwekwa kwenye ajenda za mkutano huo wa mawaziri wa fedha, kwani Uingereza haikupata uungaji mkono wa kutosha kutoka kwa nchi za Umoja wa Ulaya zikiwemo Ufaransa na Ujerumani pamoja na Marekani. Hivyo kuondoa ruzuku ya kilimo na kufungua masoko kwa nchi maskini kumekuwa suala gumu zaidi, kwa sababu hatua hiyo inahusika na sera za pamoja za kilimo za Umoja wa Ulaya na kuathiri maslahi ya nchi nyingi za Umoja wa Ulaya, hususan za Ufaransa.

    Tofauti ya misimamo imeathiri uungaji mkono kwa mpango wa Uingereza wa kusaidia nchi maskini, na ugomvi kati ya Uingereza pamoja na Ufaransa na Ujerumani umeathiri zaidi mustakabali wa mkutano wa wakuu wa nchi nane. Waziri wa mambo ya nje wa Uingereza Bw. Jack Straw Jana alikiri kuwa hivi sasa uhusiano kati ya Uingereza na Umoja wa Ulaya unakabiliwa mgogoro. Lakini alisema kuwa pande zote mbili zinawajibika kurekebisha hisia zao.

    Hivi sasa umebaki muda wa wiki tatu kabla ya kufanyika kwa mkutano wa wakuu wa kundi la nchi nane, ni dhahiri kuwa Uingereza inatarajia kuboresha haraka uhusiano kati yake na Ufaransa na Ujerumani, kwani itahusiana na mafanikio ya mkutano huo na hali inayopata Uingereza ikiwa ni nchi mwenyekiti wa kundi hilo katika nusu ya pili ya mwaka huu.

Idhaa ya Kiswahili