Waziri wa viwanda na habari wa China Bw. Miao Wei, leo hapa Beijing amesema katika muda miaka 70 iliyopita tangu Jamhuri ya Watu wa China ianzishwe, China imejenga mtandao mkubwa zaidi wa habari na mawasiliano duniani, na hivi sasa China inashika nafasi ya kwanza duniani kwa hataza za lazima za mtandao wa 5G, na mwakani itaanza rasmi kutoa huduma za mtandao huo katika sehemu mbalimbali nchini China.

Ofisi ya habari ya baraza la serikali la China leo imetoa waraka kuhusu mambo ya wanawake, na kueleza mafanikio yaliyoipata China katika kuendeleza mambo ya wanawake katika miaka 70 iliyopita tangu kuanzishwa kwa Jamhuri ya Watu wa China.

Mkuu wa idara kuu ya posta ya China Bw. Ma Junsheng leo hapa Beijing amesema, katika miaka 70 iliyopita tangu kuanzishwa kwa Jamhuri ya Watu wa China, huduma za posta nchini China zimekua kwa mara 7,700, na China imekamilisha kimsingi mtandao wa kisasa wa posta.

Idara kuu ya takwimu ya China leo imetangaza takwimu ya maendeleo ya sekta muhimu za kiuchumi zikiwemo viwanda, matumizi na uwekezaji katika mwezi wa Agosti. Msemaji wa idara hiyo Bw. Fu Linghui amesema, katika mwezi uliopita, kwa ujumla uchumi wa China umedumisha mwelekeo mzuri wa maendeleo, na China ina msingi, mazingira na imani katika kutimiza lengo lake la kiuchumi kwa mwaka huu.

Serikali ya China imetoa waraka wa kuunga mkono kuujenga mji wa Shenzhen kuwa eneo la kielelezo cha ujamaa wenye umaalum wa China, na kuutaka mji huo kuhimiza ujenzi wa eneo kubwa la ghuba ya Guangdong, Hong Kong na Macao.

Tangu sera ya mageuzi na kufungua mlango ilipoanza kutekelezwa mwishoni mwa mwaka 1978, China imepata mafanikio makubwa katika kupunguza umaskini. Kwa mujibu wa vigezo vya kimataifa vya kupunguza umaskini, idadi ya watu wa China wanaokumbwa na umaskini imepungua kwa kiasi kikubwa.

Mkutano wa kwanza wa Baraza la ngazi ya juu la Maendeleo la China umefungwa jana mjini Beijing. Maofisa wa idara mbalimbali za serikali ya China waliohudhuria mkutano huo wameonesha ishara wazi kwamba, China itahimiza kwa hatua madhubuti sera ya kufungua mlango kwenye kiwango cha juu zaidi, na maendeleo yenye ubora zaidi ya uchumi, ili kuzifanya nchi mbalimbali zinufaike zaidi kutokana na soko kubwa la China.

Leo ni siku ya maji duniani. China ina idadi kubwa ya watu na maliasili chache ya maji, hivyo inatekeleza mfumo mkali wa kudhibiti matumizi ya maji. Naibu waziri wa maji na umwagiliaji wa China Bw. Wei Shanzhong amesema, China imepiga hatua chanya katika kuhimiza kubana matumizi, kuhifadhi na kusimamia maliasili ya maji, huku ikiharakisha kushughulikia suala la matumizi ya kupita kiasi ya maji yaliyoko chini ya ardhi katika sehemu ya kaskazini.

Mikutano ya Bunge la Umma na Baraza la Mashauriano ya Kisiasa la China iliyofungwa wiki iliyopita imedhihirisha majukumu mapya ya mwaka huu ya watu wa China. Kati ya majukumu hayo, kushinda vita dhidi ya umaskini ni muhimu sana. Wakati wa mikutano hiyo, rais Xi Jinping alitaja suala la umaskini mara nyingi, na kusisitiza kuwa imebaki miaka mwili tu kabla ya kufikia mwaka 2020, ambao ni mwaka wa kutimiza lengo la kuondoa umaskini nchini China, hivyo sasa ni wakati muhimu, na inapaswa kufanya juhudi kadiri iwezekanavyo hadi kupata ushindi wa mwisho.

Katika miaka 6 tangu China itoe pendekezo la "Ukanda Mmoja, Njia Moja", miradi mingi imetekelezwa katika nchi zilizojiunga na pendekezo hilo. Miradi hiyo imehimiza maendeleo ya uchumi wa nchi hizo, na pia kuzisaidia kuongeza uwezo wa kupata maendeleo zaidi. Katika siku zijazo, China itaongeza ushirikiano wa kibiashara katika miradi mikubwa ya pendekezo hilo.