Jumuiya ya Maendeleo ya Serikali ya Nchi za Afrika Mashariki IGAD imeanzisha tena mazungumzo ya amani kuhusu Sudan Kusini jana huko Addis Ababa, mji mkuu wa Ethiopia, ambayo yametishia kuchukua hatua za kuadhibu pande mbalimbali zinazopambana.

Gazeti la The Sunday Mail la Zimbabwe limeripoti kuwa, rais Emmerson Mnangagwa wa nchi hiyo amewasilisha nia ya Zimbabwe kurejea kwenye Jumuiya ya Madola mwaka huu kwa serikali ya Uingereza.

Nchi za Afrika zimetakiwa kukabili mizozo na mabadiliko ya tabia nchi ili kushinda vita dhidi ya njaa. Kwenye mkutano wa Umoja wa Afrika unaondelea mjini Addis ababa Ethiopia, katibu mkuu wa Umoja wa Mataifa António Guterres ametoa mwito kwa bara la Afrika kuimarisha amani kama njia muhimu ya kustawisha kilimo.

Kikao cha kawaida cha 35 cha Kamati ya Kudumu ya Wawakilishi wa Umoja wa Afrika kimefunguliwa rasmi leo katika makao makuu ya umoja huo mjini Addis Ababa, Ethiopia.

Waziri wa mambo ya nje wa China Bw. Wang Yi amesema China iko tayari kuimarisha mawasiliano na Rwanda katika nyanja mbalimbali kutoka uongozi hadi utamaduni.

Bw. Wang sasa yuko ziarani barani Afrika, ambako Rwanda ni kituo cha kwanza katika ziara hiyo. Jana alipokutana na rais Paul Kagame wa Rwanda, mjini Kigali, Bw. Wang alipongeza uhusiano mzuri kati ya nchi hizo mbili unaotokana na maelewano, kuaminiana na kuungana mkono kwa muda mrefu. Amesema Rwanda imejipatia njia ya maendeleo endelevu inayoungwa mkono na wananchi wake, na kwamba China inapenda kuimarisha mawasiliano na Rwanda katika uzoefu wa uongozi wa nchi na kuzidisha hali ya kuaminiana kisiasa.

Maandamano makubwa yameendelea kufanyika nchini Tunisia hapo jana na kusababisha vurugu za kimabavu.

Waziri wa mambo ya nje wa Guniea ya Ikweta Bw. Agapito Mba Mokuy amesema uasi uliozimwa mwishoni mwa mwaka jana ulipangwa nchini Ufaransa lakini serikali ya Ufaransa haihusiki.

Waziri wa afya wa Zambia Bw. Chitalu Chilufya amesema watu 2,802 nchini humo wameambukizwa ugonjwa wa kipindupindu, ambapo watu 64 wamefariki kutokana na ugonjwa huo, na wengine 218 wanapatiwa matibabu.

Msemaji wa jeshi la majini la Libya Bw. Ayob Qassem, amesema jeshi hilo limewaokoa wahamiaji haramu 297 na kupata miili miwili kwenye eneo la bahari lililoko karibu na pwani ya mji wa Garrabulli, kilomita 60 mashariki mwa Tripoli.

Mkuu wa zamani wa jeshi Constantine Chiwenga na mwanasiasa maarufu Kembo Mohadi wameapishwa kuwa makamu wa rais wa Zimbabwe katika hafla iliyofanyika ikulu ya nchi hiyo mapema leo.

Umoja wa Afrika umepeleka wasimamizi wa uchaguzi nchini Liberia wakati nchi hiyo ikijiandaa kwa marudio ya uchaguzi wa rais unaofanyika leo.

Makubaliano ya kusimamisha vita yaliyosainiwa na serikali ya Sudan Kusini na makundi ya waasi yameanza kutekelezwa jana, yakiwa na lengo la kurejesha makubaliano ya amani ya mwaka 2015 na kusimamisha vita vya ndani vilivyodumu kwa miaka minne.

Maonyesho ya ajira yanayohudhuriwa na makampuni ya China yameanza katika chuo kikuu cha Nairobi, na yanatarajiwa kutoa nafasi za ajira elfu 1 kwa wanafunzi wa Kenya, idadi ambayo imeongezeka kutoka mia nne za maonyesho kama hayo ya mwaka jana.

Waziri wa mambo ya nje na ushirikiano wa Afrika Mashariki wa Tanzania Bw. Augustine Mahiga amesema, akiwa waziri wa mambo ya nje wa kwanza kutoka nchi za Afrika Mashariki kufanya ziara nchini China baada ya mkutano mkuu wa 19 wa Chama cha Kikomunisti cha China CPC kufanyika, anataka kuimarisha uratibu na ushirikiano na China kupitia ziara hiyo, ili kuimarisha uhusiano wa kunufaishana kati ya nchi hizo mbili na kusukuma mbele kwa pamoja kujenga jumuiya ya binadamu yenye hatima ya pamoja.

Mkurugenzi wa Shirika la Fedha la Kimataifa IMF Bi. Christine Lagarde jana amekagua Eneo la Viwanda la Dongfang nchini Ethiopia na kuyasifu makampuni ya China kwa kutoa mchango kwa maendeleo ya huko.

Askari polisi watano wameuawa na wengine kadhaa kujeruhiwa katika shambulizi la kujitoa mhanga lililotokea katika chuo cha polisi mjini Mogadishu nchini Somalia.

Benki ya Uagizaji na Uingizaji barani Afrika (Afreximbank) itatoa mkopo wa dola za kimarekani bilioni 1.5 kuunga mkono juhudi za kufufua uchumi wa Zimbabwe.

Kongamano la 4 la ushirikiano wa kilimo kati ya China na Afrika limefanyika leo mjini Haikou, mkoani Hainan, China.