Katika miaka 40 iliyopita tangu China itekeleze sera ya mageuzi na ufunguaji mlango, uchumi wa nchi hiyo umeinuliwa hadi nafasi ya pili duniani, ambapo ukubwa wa viwanda vya utengenezaji umeshika nafasi ya kwanza duniani, na watu zaidi ya milioni 700 wamefanikiwa kuondokana na umaskini. Mabadiliko hayo yanaitwa "Ajabu ya China" na wasomi wa nchi za magharibi. Kwa kukabiliana na hali ya kimataifa inayobadilika na changamoto ya mabadiliko ya mtindo wa maendeleo ya ndani, China itaweza kutimiza ajabu mpya au la? Ukaguzi wa rais Xi Jinping wa China mkoani Guangdong umetupa jibu thabiti kuwa mageuzi ya China hayatasimamishwa, ufunguaji mlango pia utazidishwa, na China itakuwa na ajabu mpya itakayoshangaza dunia.

Hivi karibuni Kituo cha Kusini kilichoundwa na nchi 50 zinazoendelea kimetoa ripoti inayoitwa "Kipengele cha 301 cha Marekani: Kwa nini ni haramu na kinapotosha?". Ripoti hiyo imevutia tena ufuatiliaji wa jumuiya ya kimataifa katika kipengele hicho chenye utata.

Rais Vladimir Putin wa Russia amekutana na msaidizi wa rais wa Marekani anayeshughulikia mambo ya usalama wa taifa Bw. John Bolton ambaye yuko ziarani nchini Russia. Mkutano huo umefanyika chini ya uamuzi wa rais Donald Trump wa Marekani kutangaza kujitoa katika Mkataba wa Silaha za Masafa ya Kati za Nyuklia. Rais Putin amekosoa madai ya Marekani kuhusu Russia kutofuata mkataba huo, na Bw. Bolton amejibu kuwa hajakwenda Russia kwa nia ya kumaliza suala hilo. Pande zote mbili hazijapata makubaliano yoyote juu ya mkataba huo ndani ya mkutano wa dakika 90.

Waziri wa mambo ya nje wa China Bw. Wang Yi jana huko New York alihudhuria mkutano wa mawaziri wa mambo ya nje wa nchi za BRICS, na kukubaliana na wenzake kuhusu kutekeleza makubaliano yaliyofikiwa kwenye mkutano wa viongozi wa BRICS uliofanyika mjini Jorhannesburg, Afrika Kusini, kuimarisha mawasiliano ya kimkakati, kuzidisha ushirikiano, kuongeza maingiliano kati ya watu na watu, kuleta manufaa kwa pande zote, na kutekeleza ajenda ya mwaka 2030 ya maendeleo endelevu ya Umoja wa Mataifa.

Katibu mkuu wa Umoja wa Mataifa Antonio Guterres ameonya kuwa ushiriki wa pande nyingi upo hatarini wakati ambao unahitajika zaidi duniani. Akiongea na viongozi mbalimbali duniani waliohudhuria mjadala wa ngazi ya juu wa Baraza Kuu la Umoja wa Mataifa, Bw. Guterres ameeleza kuwa hivi sasa kuna tatizo kubwa la kutoaminiana katika taasisi za kitaifa, baina ya nchi na hata kwenye sheria za kimataifa.

Katibu mkuu wa Umoja wa Mataifa Bw. Antonio Guterres amesema kati ya dola za kimarekani trilioni 5 na trilioni 7 zinahitaji kuwekezwa kila mwaka ili kutimiza malengo ya maendeleo endelevu ya Umoja wa Mataifa ya mwaka 2030.

Kiongozi wa Korea Kaskazini Kim Jong Un na Rais Moon Jae-in wa Korea Kusini wamesaini makubaliano ya Pyongyang yanayolenga kuondoa tishio la silaha za nyuklia katika peninsula ya Korea.

Mkutano wa 72 wa Baraza Kuu la Umoja wa Mataifa umefungwa leo huko New York, ambapo Bibi Maria Fernanda Espinosa kutoka Ecuador ameapishwa kuwa rais wa awamu ya 73 ya baraza hilo.

Msemaji wa ikulu ya Korea Kusini Bw. Im Jong-seok amesema, mazungumzo yajayo kati ya viongozi wa rais wa nchi hiyo na kiongozi wa Korea Kaskazini yatazingatia uhusiano kati ya nchi hizo mbili, kuhimiza mazungumzo kati ya Korea kaskazini na Marekani na kutuliza hali ya wasiwasi ya kijeshi katika peninsula ya Korea.

Rais Xi Jinping wa China ametoa hotuba katika mkutano wa Baraza la 4 la uchumi la Mashariki uliofanyika mjini Vladivostok, Russia.

Rais Emmanuel Macron wa Ufaransa, ambaye ni mmoja wa viongozi wa nchi wanachama wa Umoja wa Ulaya, mwishoni mwa mwezi Agosti, alihutubia mkutano wa mabalozi wa Ufaransa katika nchi za nje, akitetea msimamo wa pande nyingi, na kuonyesha kuwa Ufaransa inajitahidi kuongoza Umoja wa Ulaya kujiondoa kwenye hali ngumu.

Rais Vladmir Putin wa Russia amesema vikwazo vipya vilivyowekwa na Marekani dhidi ya Russia havina maana, na vinakwenda kinyume na matarajiao ya Marekani. Tangu Marekani ilipotangaza kuweka vikwazo dhidi ya Russia mwanzoni mwa mwezi huu, Russia imechukua hatua mbalimbali ili kukabiliana na hali hiyo.

Hivi karibuni, Marekani imetoa muswada wa sheria wa mageuzi ya ukaguzi wa usalama wa taifa dhidi ya uwekezaji wa kigeni. Hii ni mara ya kwanza kwa Marekani kurekebisha na kuimarisha uwezo wa kamati ya uwekezaji wa kigeni katika miaka karibu kumi iliyopita. Kamati hii itafanya ukaguzi mkali zaidi kwa uwekezaji wa kigeni unaotaka kuingia nchini Marekani.

Katibu mkuu wa Umoja wa Mataifa Bw. Antonio Guterres amemteua rais wa zamani wa Chile Bi. Michelle Bachelet kuwa Kamishna mkuu wa haki za binadamu wa Umoja huo akichukua nafasi ya Bw. Zeid Ra'ad Zeid Al-Hussein atakayemaliza muda wake mwishoni mwa mwezi huu.

Mchumi mkuu wa Shirika la Fedha la Kimataifa IMF Bw. Maurice Obstfeld amesema ni kosa kwa Marekani kujaribu kupunguza urari wa biashara kwa njia ya kuongeza ushuru wa forodha.

Mkurugenzi wa kamati ya uchumi ya Marekani Lawrence Kudlowameongea na baadhi ya vyombo vya habari na kuonya CHina kutopuuza uwezo wa rais Trump wa kutimiza ahadi yake, na kusema Marekani itaunda muungano kwa haraka kukabiliana na kitendo kisicho cha haki cha biashara ya China.