Baraza la Serikali la China hivi karibuni limepitisha "pendekezo la namna ya kutumia vizuri uwekezaji wa nje". Kwa mujibu wa pendekezo hilo, China itatekeleza hatua 20 za kufungua mlango zaidi, kuongeza nguvu ya kuhamasisha uwekezaji wa nje, kukuza mageuzi ya kurahisisha uwekezaji, na kuimarisha ulinzi wa maslahi halali ya wawekezaji wa nje.

Maonesho ya pili ya kimataifa ya bidhaa zinazoagizwa na China yatafanyika kuanzia tarehe tano hadi 10 mwezi ujao mjini Shanghai, China. Watu kutoka nchi zaidi ya 170 na mashirika mbalimbali ya kimataifa wanatarajiwa kushiriki katika maonyesho hayo.

Rais Xi Jinping wa China leo amekutana na viongozi wa idara za ulinzi na majeshi ya nchi zinazoshiriki kwenye michezo ya kimataifa ya majeshi, na maofisa wa Kamati ya Kimataifa ya Michezo ya Majeshi, kabla ya kuanza rasmi kwa michezo hiyo.

Takwimu zilizotolewa leo na Idara Kuu ya Takwimu ya China zinaonesha kuwa, katika robo tatu za mwanzo mwaka huu, pato la taifa la China GDP limezidi dola za kimarekani trilioni 9.87, na kuongezeka kwa asilimia 6.2 ikilinganishwa na mwaka jana kipindi kama hiki.

Leo tarehe 17 Oktoba ni Siku ya Kupambana na Umaskini Duniani, na pia ni Siku ya kuondoa Umaskini ya China. Hadi sasa China imepiga hatua kubwa katika ujenzi wa makazi kwa watu waliohamishwa kutoka sehemu zenye hali dunia ili waondokane na umaskini, na watu hao watapata makazi mapya kabla ya mwishoni mwa mwaka 2019.

Mwanzilishi wa kampuni ya Alibaba Bw. Jack Ma amesema kazi yake kubwa kwa sasa baada ya kustaafu ni kuangalia ni vipi elimu inaweza kutolewa kwa njia tofauti na kuwawezesha wajasiriamali vijana barani Afrika.

Jarida la Qiushi la China kesho litatoa makala muhimu ya rais Xi Jinping wa China ya "Hotuba kwenye semina kuhusu uhifadhi wa mazingira ya kiikolojia ya Mto Huanghe na maendeleo yenye sifa nzuri".

Ofisi ya habari ya Baraza la Serikali la China leo imetoa waraka kuhusu usalama wa chakula. Waraka huo umeeleza mafanikio ya kihistoria iliyopata China katika kuleta usalama wa chakula, kuangalia kwa kina mfululizo wa sera na hatua za China katika kulinda usalama wa chakula baada ya mwaka 1996, haswa kufanyika kwa mkutano mkuu wa 19 wa Chama cha Kikomunisti cha China, kufafanua kanuni na msimamo wa China katika kufungua mlango na kufanya ushirikiano wa kimataifa kuhusu soko la chakula pamoja na utetezi wa sera wa China katika suala la chakula kwa siku za baadaye.

Huu ni mwaka wa 70 tangu kuanzishwa kwa Jamhuri ya Watu wa China. Hivi karibuni mkurugenzi wa idara ya mambo ya Afrika ya kituo cha mali za urithi cha Shirika la Elimu, Sayansi na Utamaduni la Umoja wa Mataifa Bw. Edmond Moukala, alipohojiwa na mwanahabari wa Shirika Kuu la Utangazaji la China CMG, ameeleza mambo yake yanayohusika na China.

Baba wa Taifa la Zambia Bw. Kenneth Kaunda ni rafiki mkubwa wa China. China yake Zambia ilipata uhuru tarehe 24 Oktoba mwaka 1964 kutokana na juhudi zake na wananchi wenzake, na siku moja baadaye ilianzisha uhusiano wa kibalozi na Jamhuri ya Watu wa China. Bw. Kaunda kwa muda mrefu amehimiza maendeleo ya uhusiano wa kirafiki kati ya nchi yake na China na kati ya Afrika na China.

Mapumziko ya siku ya taifa huwa msimu wa utalii nchini China. Takwimu zilitolewa leo zinaonesha kuwa, katika siku nne za kwanza za mapumziko za sikukuu hiyo, idadi ya Wachina waliotalii ndani ya nchi ilifikia bilioni 542, ambalo ni ongezeko la asilimia zaidi ya nane ikilinganishwa na mwaka jana wakati kama huu, na pato la utalii lilizidi dola za kimarekani bilioni 63.75, na kuongezeka kwa asilimia 8.58.

Leo tarehe 30 Septemba ni siku ya kuwakumbuka mashujaa wa China waliojitoa mhanga kwa ajili ya nchi na watu wa China. Hafla ya kuweka mashada ya maua kwa mashujaa hao imefanyika kwenye Uwanja wa Tian'anmen mjini Beijing, na kuhudhuriwa na viongozi wa China pamoja na zaidi ya wajumbe 4,000 wa ngazi mbalimbali, wakiwemo askari wa zamani, maofisa wandamizi wastaafu, jamaa wa washujaa waliojitoa mhanga, watu waliopewa medali ya kitaifa, wanafunzi na watoto.

Huu ni mwaka wa 70 tangu kuanzishwa kwa Jamhuri ya Watu wa China. Katika miaka 70 iliyopita, China imetekeleza sera ya kidiplomasia ya amani na kujiamulia, na kwa kufuata utaratibu wa kimsingi wa uhusiano wa kimataifa ambao kiini chake ni kanuni tano za kuishi kwa pamoja kwa amani。China imeshirikiana na nchi zinazoendelea kwa msimamo thabiti, ili kujitahidi kujenga utaratibu mpya wa kimataifa ulio wa haki na usawa zaidi, na kuhimiza amani, masikilizano na maendeleo ya dunia. Katika mchakato huo, China imedumisha urafiki mkubwa na nchi za Afrika, ambapo pande hizo mbili zimefanikiwa kujenga uhusiano wa wenzi wa kimkakati katika zama mpya, na zinajitahidi kujenga jumuiya yenye mustakbali wa pamoja, ili kusukuma mbele zaidi uhusiano kati yao. Maendeleo ya uhusiano kati ya China na Afrika ni utendaji wa ujenzi wa pamoja wa China na nchi nyingine wa jumuiya yenye hatma ya pamoja, na pia yameonesha uhai mkubwa wa mawazo ya sera ya kidiplomasia ya China.

Gwaride kubwa la kijeshi kwa ajili ya maadhimisho ya Siku ya taifa la China litakalofanyika Oktoba Mosi mjini Beijing, litashirikisha wanajeshi wapatao elfu 15. Kwa mujibu wa ofisi ya uongozi wa gwaride hilo litakalofanyika katika mtaa wa Chang'an katikati ya mji wa Beijing kwa dakika 80, gwaride hilo litakuwa kubwa zaidi kufanyika katika miaka ya karibuni, ambapo jumla ya vikosi 59 na bendi moja ya kijeshi, ndege zaidi ya 160 na vifaa 580 vya kijeshi vya aina mbalimbali vitashiriki.